|
Депутати Вседержавного Русинського Самосправованя 2004-го рока проголосовали за створеня премії Антонія Годинкы, котра передає ся за активну роботу по захраненю русинського языка, културы и традіцій.
2023. рока премію дустали:
Петро Медвідь
Словацькый русинськый новинарь и актівіста
Родив ся у тогдышнюй Чехословакії у Пряшові 6-го фебруара 1981. рока у вірувучуй ґрекокатолицькуй фамілії. Русинську културу, традіції и язык познав ищи малым дїтваком.
Штудовав Ґрекокатолицьку теолоґію у Пряшовськум універзітетї, де дустав діплому католицького теолоґа.
У русинськуй масмедії трудить ся од 2010-го рока.
У словацькуй масмедії – телевізії, радійови, новинкох – бере велику участь у пропаґації и хоснованю русинського языка.
На інтернетовых порталох редаґує, веде русинські проґрамы на словацькых и полськых теріторіёх.
Радник презідента Словацькуй републикы за русинську меншыну од 2019. рока, прес-представитель Світовуй Рады Русинув од 2021. рока.
Про єдиный русинськый професіоналный театер имени Александера Духновича у Пряшові товмачить дарабы на русинськый язык.
Про пряшовськый фолклорный ансамбл „Рутенія”писав сценарій и режіровав кореоґрафію. Поверьх русинського языка рахує важным и захраненя, передаваня русинськуй културы и традіцій.
Його дїятельство є помочов и мотіваціёв про молодых мадярськых Русинув, жебы говорити по русинськы и учити ся русинському языкови, а также є про ных добрым приміром.
Ірина Сюч-Ворінка
Научный секретарь Научного інстітута имени Антонія Годинкы,
секретарь новинкы „Русинськый Світ”.
Ірина Сюч-Ворінка родила ся у селї Батёво на Пудкарпатю у дваязычнуй фамілії - ї матїрь - Мадярка, отець - Русин. Про фамілію важна была русинська и мадярська културы, їх захраненя. Штудовала у Береґсасї, де дустала діплому філолоґа. Перестяговала ся до Будапешта 2014. рока позад лїпшых возможностюв про жывот. Од мая 2015. рока зачала робити у Русинському научно-изглядовательному інстітутї у Сарваші и активно зучастнила ся у роботї Вседержавного Русинського Самосправованя. По перестягованю Інстітута до Будапешта и його подалшого фунґованя ги Научного інстітута имени Антонія Годинкы Ірина робить научным секретарём а также секретарёмсосполнуй інформаційнуй новинкы Русинув Мадярщины „Русинськый Світ”. Штудує русинськый и мадярськый языкы и літературы у Пряшовськум універзітетї. Попри універзітета активно робить у Інстітутї и исповняє фахманські задачі. 2022-го рока была выбрана предсїдателём русинськуй матурнуй комісії. |
